Polis 3

Polis 3

Tregtia e Sovranitetit Shtetëror: Forcimi i Ekonomisë Informale në Shqipëri

Elda Papa

Universiteti Europian i Tiranës

Hyrje

Shkalla e lartë e informalitetit në shoqërinë shqiptare shihet si një nga faktorët më shqetësues që pengon zhvillimin dhe demokratizimin e vendit, dhe rrjedhimisht progresin e tij në përmbushjen e aspiratave për anëtarësim në strukturat euro-atlantike. Ka vite që retorika antikorrupsion, akuzat e ndërsjellta të forcave kryesore politike në vend për përfshirje të zyrtarëve të lartë qeveritarë apo politikanëve të ndryshëm në aktivitete kriminale janë bërë refreni i politikës shqiptare. Sado e çuditshme të duket, akuzat ngrihen thjesht për t’i shërbyer garës për pushtet politik dhe jo drejtësisë për të vënë përpara përgjegjësisë ligjore ata pushtetarë që prezupozohet të jenë të përfshirë në afera korruptive apo kriminale.

Demokracia Në Funksion Të Gramatikës Politike: Një Krahasim Konceptual me Kuvendimin Sipas të Drejtë

Dr. Ermal Hasimja

Universiteti Europian i Tiranës

A mund të përdoret analiza e gramatikës politike të Kanunit, qoftë si pikënisje historike, qoftë si metaforë politike, për analizën e gramatikës politike aktuale? Studimet e deritanishme mbi Kanunin dhe organizimin politik të ngritur mbi të priren të ndriçojnë aspekte kryesisht etnologjike apo juridike. Punime të tjera, sidomos të së shkuarës, rreken të qëmtojnë veçori juridike që do të mund të përdoreshin si argumente të një përpjekjeje të shqiptarëve për ndërtimin e strukturave që “duhen parë” si zëvendësuese apo imituese të shtetit. Ky nivel i dytë analize gjendet në të njëjtën ulli me konceptimet nacionaliste të së shkuarës. Gjergj Fishta (1999/1933) apo Shtjefën Gjeçovi (1999/1933) janë përfaqësuesit më të ndritur të kësaj rryme.

E Drejta Kanunore dhe Shteti i së Drejtës

Nebi Bardhoshi

Hyrje

Në antropologjinë sociale proçesi që njihet rëndom si tranzicion politik i vendeve ish-socialiste është bërë objekt studimi në dimensionin jurdik, ekonomik e atë politik. (shih edhe Hann, 2000). Që tek emërtimi si ‘tranzitore’ apo ‘kalimtare’ antropologët e shohin në mënyrë kritike pasi nuk mund të konsiderohet thjesht kalimtare apo kapërcuese nga një sistem te tjetri. Është periudhë transformimi (Prato 2004., Salmarshe, 2001). Duke shkuar më tej ky proçes nuk është uniform në të gjitha shoqëritë që thamë madje as brenda të së njëjtës shoqëri. Në këtë kuadër ky punim ka për objekt trajtimin dukurisë së përballjës së ligjeve të ‘huazuara’, me kulturën lokale gjatë periudhës së transformimit.

Strategjite e Harreses Kolektive, ose Perse Nuk Mund te Mesojme Nga e Kaluara.

Blendi Kajsiu
Universiteti Europian i Tiranёs

Ka njё paradoks tё thellё nё mёnyrёn se si konceptohet harresa. Nё imagjinatёn kolektive harresa ёshtё mёnyra se si koha fshin faktet nga kujtesa. Ajo ёshtё antiteza e kujtesёs dhe nё raport tё drejtё me kohёn; sa mё shumё kalon koha aq mё shumё rritet harresa. Nga ana tjetёr ne besojmё qё nuk mund tё kujtojmё nё mёnyrё 'objektive' pa u distancuar nё kohё nga e kaluara. Kёshtu distancimi nё kohё njёkohёsisht shton harresёn, dhe qartёson kujtesёn tonё historike. Pёr tё kuptuar kёtё paradoks duhet ta shohim harresёn kolektive jo si njё fenomen patologjik, por si njё strategji politike nё shёrbim tё sё tashmes. Ajo nuk ёshtё aspak njё funksion i sё kaluarёs, por prodhim i sё tashmes. E tashmja prodhon tё kaluarёn, dhe jo anasjelltas. Prandaj nuk mund tё ketё njё pёrshkrim 'objektiv' tё sё kaluarёs. Cdo narrativё historike mё shumё sesa njё pёrshkrim i tё kaluarёs ёshtё njё pasqyrim i vlerave, pёrplasjeve, interesave apo pretendimeve tё sё tashmes.

Haxhi Qamili: Rebel, Hero, Kundërhero